俐利

游完天子山，翻到酒店虽然好攰~~

不过都唔放过晚上出去行下嘅机会~~

MS L两母女都几nice，而且大家都岩倾，所以果几日都齐齐出动！！

距地见到酒店有小册子介绍溪布街，于是我哋就打车去了~~

几有特色嘅一条街，酒吧有，手信店有，各种特色商铺都有~

 

 

见到呢度围住好多人，就八卦去睇下~~

 

原来有人表演踩火炭，D号角叫得好阴森好神秘咁~~

以为距真系踩上去，原来只系踢开旧炭咋~~

 

液体面包，广告见得多，第一次试~~

仲以为饮完会饱肚添，原来液体面包嘅意思系汽水有面包味~~

 

继续行

 

青蛙饼

 

睇呢条水道我觉得似岭南印象园~~

好似话呢条街系江边，街内好多呢D水道~~

 

手信店，发觉呢度嘅野居然唔贵哦，于是就买埋手信了~~

好彩买左啦，之后扭亲脚，根本行唔到凤凰，更加唔好讲话买手信了~

 

水车

 

烧玻璃

 

 

其实嚟湖南我有两样野想吃，一样系臭豆腐，已经吃到了！

另外一样系口味虾！！

于是打的叫司机车我哋去又口味虾吃嘅地方！！

去到坐落，发觉D服务员系识听广州话噶，好犀利啊~~

湖南好多人都系广州打过几年工，然后再翻去~~

不过可惜服务员话呢排距地都无做口味虾~~

等我哋仲突登嚟帮衬距添~~

无办法啦，见呢度环境都OK，就索性系度宵夜了~~

D野又唔贵哦，28蚊一手鸡胗（鸡肾）！

一手啫系10串！

 然后发觉呢度有个特色，大排档无啤酒妹，反而有个卖酱妹~~

sale我哋买距D酱，我哋叫距到左碟比我哋试下~~

后来点餸果个服务员翻嚟话，帮我哋买左虾翻嚟，可以整啦！！

呢间野真系使命必达啊！！

清香菜，团友话好似芥菜咁样噶哦~~

不过好有菜味，系广州吃唔到啊~~

仲点左个砂锅粥，呢度嘅砂锅粥同广州有区别！

系砂锅+粥~~我哋点左个土鸡粥！

鲜甜到啊，居然唔记得影相~~~

 

主角出现啦！！

口味虾啊！！！

睇落好辣，其实又唔系好辣，其实我都系第一次吃小龙虾噶咋~~

发觉呢度习惯都系搣晒个头，可能咁样好味D吧~~

不过如果距垫底有配菜就perfect啦！！

爱上呢个味道！！

唔知广州吃唔吃得翻呢？

 

吃饱就翻酒店了，下篇真系讲大峡谷啦~~

-待续-