俐利

第三日一早，去左大峡谷！！原来我哋嘅

我哋嘅路线系开车去到山上，然后行栈道，然后坐船出翻另一个门口！

 

又系楼梯，果几日搞到落楼梯脚瓜瓤痛~~

 

D楼梯都好企下，想行快都唔敢，搬货果D人居然两级当一级行~

 

系咪见唔到前面D人呢？

因为又去到一个75度嘅楼梯啦，恐怖啊~~

前面系空噶~

我唯有揽住扶手慢慢落，搞到比后边D人催~~

 

 

 

 

终于落完果D楼梯啦，可以玩滑道啦~哈哈哈哈啊~~

类似以前白云山果D，不过距系成条都大理石嘅~~

而且会每人提供护垫+手套~~

 

滑道分快道同慢到，第一层怕快得滞，拣左慢嘅~~

第二层拣左快道，我觉得呢，反正都系恐怖噶了~~

不如速战速决啦，哈哈哈

 

左边系快，右边系慢

之后行嘅路我觉得系呢几日行程里面最舒服噶，因为唔使再上山落山啦，

一路去都系栈道，正啊！！

 

 

 

 

宜家算系枯水期，所以河道，瀑布都唔算好大~~

不过个瀑布都只系离远见到距咁咋。

 

去到附近仍然好大水，一攞起部相机个镜头就充满水珠了

而且唔系话自己行到埋去先咁哦，果条系必经嘅路，如果雨季估计要担遮了~~

 

竹仙泉，听讲呢度D水同无论条河有几浑浊，

呢度都系清的，于是有D游客居然走去饮。。。无言。。。

 

继续系栈道

 

耐唔中都见到D瀑布

 

滴水

 

行到呢度，个个都测下自己身材~~

 

我勉强过到右边数起第二条，哈哈哈

 

 

 

 

 

 

 

 

 

然后又行到玻璃栈道，见到我咁淡定就知个高度无难度啦~~

 

真相！！

 

貌似呢度整紧缆车，可能方便D懒行嘅人~~

话说我觉得呢度算舒服噶啦~~

 

然后嚟到导游之前讲，会有几秒钟失明嘅地方~~

土匪洞，介绍话以前D土匪住系里面，宜家都仲有当时嘅痕迹！

唔知点解突然有D毛骨悚然，TMD仲要遇到D极品游客系度吓人！

呢度就系啦，洞口右边有几条藤系上山dum落嚟，估计以前D人就系靠咁上山的~~

 

行到洞口，突然听到有个女人大叫：“蛇啊！”

吓到我啊，小喇叭原来讲旧石头似蛇，唉~~

 然后入山洞，真系完全见唔到里面，日光日白都系咁哦~~

于是就攞部手机出来照啦~~

但其实好有限，我都唔敢mak大眼，都系咪埋眼过左几秒~~

原来真系几秒，当你见到野嘅时候已经出洞~~

MTD果个女人临出洞讲话个洞有野，吓死，以为距话见到D白骨。。。

原来只系以前D人嘅餐具。。

然后行到呢条桥，话呢度系娃娃鱼保护区，唔知岸边黑色果D系咪呢，太细了睇唔到！

 

 

 

呢度D石山好过瘾，好多时都见到好似呢种咁一层层的~

 

然后终于行到坐船处了~~

 

 

 

 

唔知呢D系咩，个头红色的~~

 

上左岸，就吃野啦~~

 

 

又见臭豆腐！

 

又帮衬左~~~

吃完又要上路啦，吃完饭之后就去黄石寨，

不过黄石寨我无落车，具体事宜可以睇翻我话拗柴果篇！

因为实在太攰了，听到导游话3K几级楼梯果度放弃~~

而且导游话果度风景同袁家界差唔多，而且无咁靓添，咁何必呢~~~

下篇去到凤凰了~~

何其艰辛啊~~~

-待续-