未嚟湖南之前我一直觉得张家界只系一个旅游区,嚟到先知原来张家界系一个市!
第一晚住闽南酒店,然后第二天一早出发,大概40分钟先去到天子山脚!
未入门口都见到D山几雄伟啦~~
售票处,等导游比票我地,然后就入去排队等巴士去半山~~
系门口见到有个细路卖野,一蚊支~~
类似口哨咁嘅野,不过一路吹要一路拉动笛口条野先会响~~
不过自己点吹都唔够细路吹得咁响~~
等左好几部车,终于上到了,条山路险峻程度得上高明茶山啊!!
不过两边嘅风景都好正,大概半个钟先去到目的地~~
落车以后,艰辛嘅旅程开始了~~
贺龙
其实觉得张家界真系好商业化,度度都系商铺,而且当日已经见识过两单打架事件!
素质啊~~~
天子阁
一大抽马骝!!
睇路线都觉得辛苦了,我哋当时系图中厕所同停车场个三角位,
然后要都晒左边嘅景点,最后去千里相会集合~~
两个钟啊行~~~
好吧,出发吧!!
到处都系人人人!!
而且条路大概可以同时行三个人,右边就完全系悬崖了。。。
畏高症嘅我表示望都唔够胆望!
中间果度系天下第一桥,系天然嘅大石连接两座山~~
呢个点系我最惊悚嘅一个位置,影呢张相完全扶住栏杆唔敢旭~~
影完都系靠两个团友拉我埋嚟咋~~
实景!!
地下唔平的,而且貌似比人踩到滑晒了,后边系成千米悬崖~~
真系怕扇左落去,所以我唯有死抓住护栏旭都唔敢旭,望都唔敢望!
一线天!
第二个具惊险嘅地方来了~~
桥!!
恐怖在距系可以望到桥底的,成千米啊顶~~
最恐怖系桥上边好大风,居然一路行一路摇~~
以上几张相系望都唔敢望,完全系眯埋眼按快门的!!
呢旧就系阿凡达的哈利路亚山!!
两个钟之后到达半路,开始落山了~~
见到有野葛粉卖就试下啦~~
原来好似白凉粉咁味~~都几好啊~~
然后系下山嘅艰辛过程,我哋原先想自己比钱坐直落电梯,点知导游话要排队3个钟,叫我哋唔好去!!
又话两个钟可以落到去,其实实际行差唔多3个钟咯~~
仲要唔系一直落,而系上上落落咁,辛苦啊~~
途中见到轿夫,300蚊一个人~~
注意!!!300蚊唔系坐果个,系抬果个,啫系最低消费600!
而且仲要睇你重量,如果重的话仲要加收~~而且呢个系半山嘅价钱,系山顶落到底起码1K啦~~
起初我哋都觉得贵,但当我哋经过3个钟之后,觉得D钱系抵人赚的!!
过程自动省略,哈哈哈,然后行到金鞭溪~~
大家就落去玩下水啦~~
越到山脚居然越青~~
傍晚时分,终于要离开了,第三日继续系张家界,不过系去大峡谷~~
又系好靓+好攰+好玩+畏高嘅一日,期待~~
后来去凤凰嘅路上,先知原来张家界市区有条缆车系穿越市区直到天子山的!!
TMD真系自由行好过!!
然后仲要讲下,原来张家界真系好大,之前微博讲嘅玻璃栈道系天门山,
我哋去嘅系天子山,睇下下次有无机会去啦~~
不过估计比我去到都唔敢行栈道了~
-待续-