俐利

 

有时D野唔到你唔信，话说旧历十二月初一系星期日，讲好左去还神的！

但因为我唔舒服，所以搁置了~

上星期十二月十五同样系星期日，最后都无去到！

点知今个星期就出事了~~

系出事嘅第二日，我即刻查黄历，发觉呢几日都好日而且无同我哋相冲！

所以就今日去了！

一大早，V嘅早餐就送到~~

距又成晚无训了，所以吃完早餐就昏迷，训到两点，出发黄大仙！

我哋都算神心咯~落雨都去拜神！

因为落雨，所以就谂住坐91去，点知2点几上车，4点先落车！

TMD落左江湾桥之后就一路塞到广百新一城！

因为网上都查唔到距营业时间，所以都好怕去到距关门！

好彩原来系8:0AM-5:30PM

赶得切~

 

搞掂出来先5点~

V话距拜完出来嘅人松左好多， 起码求个安心啊嘛~~

之后系路口嘅风行P奶P包~~

话说我哋中午饭都无吃，系饮左D瘦肉水而已~~

 

P完包，我哋就翻多宝路，V话想吃面，于是去左宝华面店！

 

猪红汤~

 

云吞面+油菜~

吃完就过大笪地买餐台垫！

宜家D野真系无咩边样唔升价！

攞起一卷见到OK嘅一问之下居然要58蚊/米。

接受唔到，因为年年买开都系2X蚊左右~~

后来拣到卷28蚊嘅，个店员居然话落雨叫我自己翻去剪哦！

你无嘢啊嘛，我张圆台嚟哦，边有咁大个圆规啊，边有咁利把鉸剪啊！

最后距都系帮我搞掂~

 

 跟住就坐翻541去丽都！

话说早两日阿妈坐车翻屋企，经过丽都见到年30晚自助餐！

所以抽起条筋话去吃~因为以往经验自己买餸都差唔多加钱！

咁又系，呢D大时大节，呢D反传统嘅唔会点贵~

上到去30楼，个部长好热情咁介绍，当晚68蚊/位，如果落订金就免10%服务费~

于是就落左100蚊~

 

之后行翻达扬，见无咩人就人头一盅椰子鸡~~

 

吃完就肥家了，呢个落雨天。。如果唔系要还神真系唔想出门口~~